نان کسٹم پیڈ اشیاء سمگل کرنے کی کوشش ناکام

پشاور کیپٹل سٹی پولیس پشاورنے نان کسٹم پیڈ اشیاء کے سمگلنگ کی اطلاع پر کارروائی کرتے ہوئے بھاری مقدار میں غیر ملکی کپڑابرآمد کرلیا ، بر آمدہونے والے کپڑے کی مالیت لاکھوں روپے بتائی جا رہی ہے جس کو قانونی چارہ جوئی اور کسٹم ڈیوٹی ادائیگی کی غرض سے کسٹم حکام کے حوالے کر دیا گیا ہے
تفصیلات کے مطابق گزشتہ روزحیات آبادپولیس کو اطلاع ملی تھی کہ کچھ افراد غیر قانونی طریقے سے درآمد شدہ نان کسٹم پیڈ اشیاء سمگل کرنے کی کوشش کریں گے جس پرایکٹنگ ڈی ایس پی ارشد خان کی نگرانی میں ایس ایچ او تھانہ حیات آباد احسان اللّٰلہ مروت نے فوری کارروائی کرتے ہوئے تحصیل جمرود کی جانب سے شہر میں داخل ہونے والی گاڑیوں کی تلاشی لیتے ہوئے غیر ملکی کپڑا سمگل کرنے کی کوشش ناکام بناکر بھاری مقدار میںغیر قانونی طریقے سے درآمد شدہ کپڑا برآمد کرلیا جس کی مالیت لاکھوں روپے بتائی جا رہی ہے جسے کسٹم ڈیوٹی (ٹیکس) کی ادائیگی اور مزید قانونی چارہ جوئی کی خاطر کسٹم آفیسرسعیدالزمان کے حوالے کر کے کسٹم ہاوس منتقل کر دیا گیاہے