پریانکا چوپڑا آئندہ ماہ امریکی گلوکار نک جانس کےساتھ منگنی کریں گی

بالی وڈ اداکارہ پریانکا چوپڑا جولائی کے آخر میں یا اگست کے شروع میں امریکی گلوکار نک جانس کےساتھ منگنی کریں گی۔

بھارتی ذرائع ابلاغ کے مطابق خبریں سامنے آ رہی ہیں کہ پریانکا چوپڑا آئندہ ماہ نک جانس کےساتھ منگنی کریں گی،تاہم اس بارے انہوں نے کوئی باضابطہ اعلان نہیں کیا۔ پریا نکا چوپڑا اور نک جانس کی پہلی ملاقات میٹ گالا میں ہوئی،اور اس کے بعد دونوں بھارت آئے اور یہاں پر نک جانس نے پریانکا کی فیملی سے ملاقات کی۔

 رپورٹ میں دعویٰ کیا گیا ہے کہ نک جونس جو ان دنوں پریانکا چوپڑا کے خاندان سے ملنے کے لیے بھارت میں موجود ہیں، انہوں نے حالیہ ملاقات کے دوران اپنی منگنی کی بات کو حتمی شکل دے دی۔

تاہم خیال کیا جا رہا ہے کہ منگنی کی تقریب امریکا میں منعقد ہوگی، جہاں دونوں اداکاروں کے اہل خانہ اور انتہائی قریبی دوست شامل ہوں گے۔ خیال رہے کہ نک جونس اور پریانکا چوپڑا سب سے پہلی بار 2017 کے کانز فلمی میلے کے ’میٹ گالا‘ پر ایک ساتھ جلوہ گر ہوئے تھے، جس کے بعد ان دونوں کے درمیان تعلقات استوار ہوئے۔