صفحۂ اول    ہمارے بارے میں    رپورٹر اکاونٹ    ہمارا رابطہ
بدھ 25 مئی 2022 

پاک چین آہنی دوستی کو نقصان پہنچانے کی کوششیں کامیاب نہیں ہوں گی، چین

disk news | بدھ 27 اپریل 2022 

یجنگ:  چین کے وزارت خارجہ کے ترجمان نے دوٹوک الفاظ میں کہا ہے کہ جامعہ کراچی جیسے واقعات سے چین اور پاکستان کے درمیان قائم آہنی دوستی کو نقصان پہنچانے کی کوششیں کامیاب نہیں ہوں گی۔

عالمی خبر رساں ادارے کے مطابق چین کے وزارت خارجہ کے ترجمان وانگ وین بن نے پریس کانفرنس میں کہا ہے کہ پاکستان اور چین کی دوستی آہنی ہے اور کوئی بھی مذموم سازش اسے ختم نہیں کرسکتی۔

 

چین کے وزارت خارجہ کے ترجمان نے مزید کہا کہ پاکستان کے ساتھ تعلقات اٹوٹ ہیں۔ دونوں ملکوں کے درمیان دوطرفہ تعاون، باہمی اعتماد اور پاک چین اقتصادی راہداری کو نقصان پہنچانے کی کوئی بھی کوشش کامیاب نہیں ہوگی۔

 

یہ بھی پڑھیں : جامعہ کراچی میں دھماکے کی فوٹیج منظرعام پر آگئی 

چینی ترجمان وانگ وین بن نے یہ بھی کہا کہ دہشت گردی ایک عام لعنت ہے اور دہشت گردی کے خلاف جنگ میں چینی عوام کا خون رائیگاں نہیں جائے گا۔ دہشت گردوں کو چینی عوام کے خون کی قیمت ادا کرنا ہوگی۔

یہ خبر پڑھیں : جامعہ کراچی : خودکش دھماکے میں 3 چینی اساتذہ سمیت چار افراد جاں بحق 

ترجمان وزارت خارجہ نے کہا کہ جامعہ کراچی کے گھناؤنے حملے کا ہدف اساتذہ تھے کیونکہ اساتذہ انسانی تہذیب کے وارث اور ثقافتی تبادلے کو فروغ دینے والے تھے۔ ہم دہشت گرد قوتوں کے خلاف کریک ڈاؤن کرنے کے لیے پاکستان کے ساتھ مل کر کام کریں گے۔

یہ خبر بھی پڑھیں : جامعہ کراچی خود کش حملہ آور کی خاتون سہولت کار کا انکشاف

واضح رہے کہ گزشتہ روز کراچی میں ایک خود کش خاتون نے اس وقت خود کو دھماکے سے اُڑا لیا تھا جب وہاں سے چینی اساتذہ کی گاڑی گزر رہی تھی۔ دھماکے میں 3 چینی اساتذہ اور پاکستانی ڈرائیور ہلاک ہوگئے تھے۔

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
 
© 2020 All Rights of Publications are Reserved by Aksriyat.
Developed by: myk Production
تمام مواد کے جملہ حقوق محفوظ ہیں © 2020 اکثریت۔