ایس ایس پی آپریشنز یاسر آفریدی کی سٹی ڈویژن میں کرائم ریویو میٹنگ،

ایس ایس پی آپریشنز یاسر آفریدی کی سٹی ڈویژن میں کرائم ریویو میٹنگ، بہترین کارکردگی پر سرٹیفیکیٹ تقسیم۔میٹنگ میں ایس پی سٹی سمیت سٹی ڈویژن کے ایس ڈی پی اوز اور ایس ایچ اوز نے شرکت کی۔ایس پی سٹی عتیق شاہ نے جرائم پیشہ عناصر کے خلاف کریک ڈاون، اسلحہ، منشیات کی برآمدگی، اشتہاری ملزمان، قبضہ گروپ کے خلاف ہونے والی کارروائیوں سمیت سنگین جرائم کی تفتیش اور جرائم کی روک تھام کیلئے اٹھائے گئے اقدامات سے ایس ایس آپریشن کو پریزنٹیشن پیش کی۔ایس ایس پی آپریشن یاسر آفریدی نے کریمینل گینگز اور اشتہاری ملزمان کی گرفتاری، اسلحہ برآمدگی، قبضہ گروپس اور اسٹریٹ کرائمز کی روک تھام پر اطمینان کا اظہار کرتے ہوئے کریک ڈاون کو مزید تیز کرنے کی بھی ہدایت کی۔ایس ایس پی آپریشن نے کریمینل گینگز اور ان میں ملوث افراد اور جیل سے رہا شدہ عادی جرائم پیشہ افراد کی از سر نو فہرستیں مرتب کرنے اور ان کی کڑی نگرانی کے عمل کو مزید مربوط بنانے کیساتھ ساتھ دیگر اداروں اور یونٹس کے ساتھ کوآرڈینیشن کو مزید موثر بنانے کی بھی ہدایت کی۔اس موقع پر ایس ایس پی آپریشنز نے بہترین کارکردگی پر سٹی ڈویژن کے پولیس افسران اور اہلکاروں کو نقد انعامات اور سرٹیفیکیٹس سے بھی نوازا گیا۔