پشاور کیپٹل سٹی پولیس پشاور نے کینٹ سمیت دیگر رہائشی علاقوں میں مخصوص گاہک کو گھر کی دہلیز پر منشیات فراہم کرنے والے ملزم کو گرفتار کر لیا، تھانہ گلبرگ پولیس کی جانب سے گرفتار ملزم نے ابتدائی تفتیش کے دوران منشیات کے مکروہ دھندے میں ملوث ہونے کا اعتراف کر لیا ہے جس کے قبضے سے ساڑھے تین گرام سے زائد چرس، ایک کلو گرام سے زائد افیون اور ہزاروں روپے مالیت کی 300 گرام ائس بھی برآمد کر لی گئی ہے، ملزم کے خلاف مقدمہ درج کرکے تفتیش شروع کر دی گئی ہے تفصیلات کے مطابق کیپٹل سٹی پولیس پشاور نے منشیات فروشوں کے خلاف جاری کریک ڈاؤن کے دوران مشہور منشیات سپلائر کو گرفتار کر لیا، گزشتہ روز ایس ایچ او تھانہ گلبرگ ابراہیم خان نے دیگر نفری پولیس کے ہمراہ خفیہ اطلاع پر کامیاب کارروائی کے دوران باڑہ روڈ کی جانب سے کینٹ ایریا میں داخل ہونے والے ملزم کرامت ولد خان زر کو اس وقت گرفتار کر لیا جب وہ کینٹ ایریا سمیت دیگر رہائشی علاقوں میں موجود اپنے مخصوص گاہک کو منشیات سپلائی کی کوشش کر رہا تھا، ملزم کا تعلق ضلع خیبر کے علاقے لنڈی کوتل سے ہے جس نے ابتدائی تفتیش کے دوران پورے نیٹ ورک کی نشاندھی کرا دی ہے، ملزم کے قبضے سے ساڑھے تین کلو گرام سے زائد چرس، 1 کلو گرام سے زائد افیون اور ہزاروں روپے مالیت کی 300 گرام آئس بھی برآمد کر لی گئی ہے جس کے خلاف مقدمہ درج کرکے تفتیش شروع کر دی گئی ہے