پشاورکیپٹل سٹی پولیس پشاور نے گزشتہ روز خفیہ اطلاع پر کامیاب کاروائی کے دوران اندرون شہر منشیات اور شراب سپلائی کرنے والے گروہ کا سراغ لگا کر دو ملزمان کو گرفتار کر لیا،ملزمان کا تعلق اندرون شہرسے ہے جنہوں نے ابتدائی تفتیش کے دوران اپنے مخصوص گاہک کو شراب سپلائی کرنے کا اعتراف کر لیا ہے جن کے خلاف مقدمہ درج کرکے تفتیش شروع کردی گئی ہے تفصیلات کے مطابق گزشتہ روز ڈی ایس پی سٹی شاہ جہان آفریدی کو اطلاع ملی تھی کہ اندرون شہر کے مختلف علاقوں میں اپنے مخصوص گاہک اور ہوٹلوں میں قیام پزیر افراد کو شراب سپلائی کرنے میں ملوث دو رکنی گروہ کسی بھی وقت شراب سپلائی کرنے کی کوشش کریں گے جس پر ایس ایچ او تھانہ شاہ قبول ابراہیم خان نے فوری کاروائی کرتے ہوئے بمقام شنگریلا ہوٹل دو ملزمان انعام اللّٰلہ ولد محمد گل سکنہ کاکشال اور ثاقب ولد سبزعلی سکنہ منڈا بیری کو گرفتار کر لیا،جنہوں نے ابتدائی تفتیش کے دوران شراب سپلائی میں ملوث ہونے کا اعتراف کر لیا ہے جن کے قبضے سے چار بوتل اعلیٰ کوالٹی شراب برآمد کر لی گئی ہے، دونوں ملزمان کے خلاف مقدمہ درج کر لیا گیا ہے