ٹریفک عملے کی ثمر باغ اڈہ میں ڈرائیوروں کو ٹریفک قوانین سے متعلق آگاہی

پشاور سٹی ٹریفک پولیس پشاور کی ایجوکیشن ٹیم نے ڈرائیوروں کو ٹریفک قوانین سے متعلق آگاہی دی۔ چیف ٹریفک آفیسر وسیم احمد خلیل کی ہدایت پر ڈی ایس پی ایجوکیشن حضرت اللّٰلہ نے دلہ زاک روڈ پر قائم ثمر باغ اڈے میں ڈرائیوروں سے ملاقات کی۔ ملاقات کے دوران انہوں نے ڈرائیوروں کے مسائل کو سنا اور اس کے حل کی یقین دہانی کرائی۔ اس دوران انہوں نے ڈرائیور حضرات کو ٹریفک قوانین‘ خلاف ورزی پرجرمانوں‘ سیٹ بیلٹ‘ اوور لوڈنگ‘ مقررہ سٹاپ پر سواریاں اتارنے‘ ایمرجنسی گاڑیوں کو راستہ دینے سے متعلق آگاہی دی اور ان میں باقاعدہ ٹریفک قوانین سے متعلق پمفلٹس تقسیم کئے۔ چیف ٹریفک آفیسر وسیم احمد خلیل نے ٹریفک ہیڈ کوارٹر گلبہار سے جاری کردہ پریس ریلیز میں کہا ہے کہ شہریوں اور خصوصی طور پر پبلک ٹرانسپورٹ کے ڈرائیورز حضرات کو روڈ سیفٹی سے متعلق آگاہی کا سلسلہ جاری رہے گا۔ انہوں نے کہا کہ شہری اور ٹرانسپورٹرز ٹریفک قوانین پر عملدرآمد کو یقینی بنا کر اپنی اور دوسروں کی زندگی کا خیال رکھیں۔ انہوں نے مزید کہا کہ شہری گاڑی کی رفتار کو کم رکھیں اور سیٹ بیلٹ کا استعمال یقینی بنائیں تاکہ جان لیوا حادثات رونما نہ ہوں۔ انہوں نے مزید کہا کہ ٹریفک قوانین کی خلاف ورزی کرنیوالوں کے خلاف سخت قانونی کارروائی عمل میں لائی جائیگی۔ر