سیلاب آنے سے قبل انتظامات کا جائزہ

ضلع بھر میں این جی اوز کا کردار قابل تحسین ہے اور ڈی سی مظفرگڑھ انجنئیر امجد شعیب خان ترین کی ہدایات کی روشنی میں عوامی مسائل کے حل اور ضلع بھر کی ترقی کے لیے اپنا موثر کردار ادا کرتے رہیں گے ان خیالات کا اظہار اے ڈی سی ریونیو عمران شمس اور ڈسٹرکٹ ایمرجنسی آفیسر ارشاد الحق نے سیلاب آنے سے قبل انتظامات کا جائزہ لینے کیلئے کی گئی مشق کے موقع پر مختلف سماجی تنظیموں سائیکوپ، دوآبہ فاؤنڈیشن، سانجھ، ایف ڈی او، بیداری اور رہنما ایف پی اے پی کے نامئندگان کے ساتھ انکے لگائے گئے سٹالز کا وزٹ کے موقع پر بات چیت کرتے ہوئے کیا انہوں نے پنجاب ڈیزاسٹر مینجمنٹ اتھارٹی کے سٹاف کو بھی سراہا جنہوں نے اس عملی مشق کا اہتمام کیااس موقع پر انہوں نے سماجی تنظیم سائیکوپ کی ایگزیکٹو ڈائریکٹر میڈم ام کلثوم سیال سے بھی گفتگو کرتے ہوئے سائیکوپ کے کردار کو سراہا جبکہ میڈم ام کلثوم سیال نے کہا کہ سائیکوپ نے ہمیشہ ضلعی حکومت کے ساتھ مل کر عوامی فلاح و بہبود اور ترقی کیلئے اپنی خدمات سر انجام دی ہیں سائیکوپ بچوں کے حقوق اور تعلیم کے فروغ کیلئے کام کر رہی ہےاور چاہے سیلاب ہو یا کورونا ہے ہرآفت سے نمٹنے کیلئے سائیکوپ ضلعی حکومت کے شانہ بشانہ ہوتی ہے اور آئندہ بھی یہ عمل جاری رہے گا انہوں نے کہا کہ ڈی سی مظفرگڑھ انجنئیر امجد شعیب خان ترین ضلع کی ترقی اور فلاح و بہبود کے لیے دن رات کوشاں ہیں جنہیں ہم بھر پور خراج تحسین پیش کرتے ہیں اس موقع پر ضلعی انتظامیہ کے افسران اور سول سوسائٹی کے نمائندگان بھی موجود تھے