صوابی(اکثریت نیوز) صوابی کے گائوں کالو خان میں اشتہاری ملزمان کی پولیس پر فائرنگ سے ڈی ایس پی رزڑ علامہ اقبال شہید اور 3 پولیس اہلکار شدید زخمی ہوگئے۔ شہید ڈی ایس پی علامہ اقبال نے اشتہاری ملزمان کی موجودگی کی اطلاع ملنے پر ان کی گرفتاری کیلئے نفری کے ہمراہ ملزمان کے ٹھکانے پر چھاپہ مارا ،اشتہاری ملزمان نے پولیس کو دیکھتے ہی فائرنگ کردی جس سے ڈی ایس پی علامہ اقبال شہید اور 3 پولیس اہلکار شدید زخمیہوگئے۔پولیس کی جوابی فائرنگ سے ایک ملزم بھی ہلاک ہوگیا۔