ڈی ایس پی عثمان غنی کے اعزاز میں تقریب کا اہتمام

پشاور  ملک سعد شہیدپولیس لائن پشاورمیں ریٹائرڈ ہونے والے ڈی ایس پی ہیڈ کوارٹرز عثمان غنی کے اعزاز میں ایک سادہ اور مختصر تقریب کا اہتمام کیا گیا، تقریب میں سی سی پی او محمد علی گنڈا پور، ، ایس ایس پی آپریشنز منصور امان، ایس ایس پی ٹریفک ویسم خلیل، ایس ایس پی کوارڈینیشن سرفراز علی شاہ، ایس ایس پی انوسٹی گیشن نوشیر خان، کمانڈنٹ کیمپس طارق اقبال، ایس پی ہیڈ کوارٹرزخانخیل خان، ایس پی سکیورٹی طاہر خان اور دیگر افسران نے شرکت کی، اس موقع پر سی سی پی او محمد علی گنڈا پورنے ریٹائرڈ ہونے والے ڈی ایس پی عثمان غنی کی پیشہ ورانہ خدمات پر روشنی ڈالتے ہوئے ان کو قابل پولیس آفیسر قرار دیا، انہوں نے کہا کہ ڈی ایس پی عثمان غنی نے ملنے والے ٹاسکس کی بروقت تکمیل کرتے ہوئے ہمیشہ مثبت نتائج دئیے، انہوں نے ڈی ایس پی عثمان غنی کے حوالے سے مزید کہاکہ پشاور پولیس کیلئے ان کی خدمات ہمیشہ یاد رکھا جائے گا،اس موقع پر ڈی ایس پی عثمان غنی نے کیا کہ دوران سروس پولیس افسران و جوانوں کی جانب سے ملنے عزت و محبت وہ ہمیشہ یاد رکھیں گے،انہوں نے کہا کہ دہشت گردی اور سماج دشمن عناصر کے خلاف اعلی کارکردگی کی حامل فورس کا حصہ ہونا ان کیلئے کسی اعزاز سے کم نہیں،آخر میں سی سی پی او محمد علی گنڈا پورنے ڈی ایس پی عثمان غنی کوخصوصی شیلڈ اور تحائف پیش کئے ۔