کنٹونمنٹ بورڈ کے تعاون سے سٹیڈیم چوک کو کشادہ کردیا گیا

پشاور سٹی ٹریفک پولیس پشاور نے کنٹونمنٹ بورڈ پشاور کے تعاون سے سٹیڈیم چوک میں سڑک کو کشادہ کردیا ۔ تفصیلات کے مطابق پشاور کینٹ کا ٹریفک کے حوالے سے مصروف ترین چوک (سٹیڈیم چوک ) میں بی آر ٹی پل کے باعث سنٹرل میڈیا نے سڑک کے کافی ایریا کو بند کر رکھا تھا جس کے باعث سڑک کا حصہ کم پڑ گیا تھا جو ٹریفک میں خلل کا باعث بن رہا تھا جس پر ایس ایس پی ٹریفک وسیم احمد خلیل نے ایس پی کینٹ قائد کمال اور ڈی ایس پی کینٹ عبد الرشید کو ہدایت کی کہ وہ کنٹونمنٹ بورڈ کے حکام سے جا کر اس بارے ملاقات کریں جس پر کرنل افتخار نے مذکورہ مقام کا دورہ کیا اور شہریوں کو درپیش مسائل بارے آگاہی حاصل کی بعد ازاں کنٹونمنٹ بورڈ پشاور نے مسئلے کو حل کر کے سڑک کو کشادہ کردیا جس سے ٹریفک کی روانی یقینی ہو گئی جس پر ایس ایس پی ٹریفک وسیم احمد خلیل نے پاک فوج کے افسر کرنل افتخار اور کنٹونمنٹ بورڈ پشاور کے حکام کا شکریہ ادا کیا اور انہیں ہر قسم کے تعاون کا یقین دلایا ۔ ایس پی ہیڈ کوارٹر افتخار علی خان نے ٹریفک لائن باچا خان چوک سے جاری کردہ پریس ریلیز میں کہا ہے کہ مختلف اداروں کی آپس میں کوآرڈی نیشن کا براہ راست فائدہ عوام کو ہو رہا ہے ۔ انہوں نے کہا کہ سٹی ٹریفک پولیس پشاور ٹریفک کی روانی برقرار رکھنے کے لئے تمام تر صلاحیتیں بروئے کار لائے گی اور اس سلسلے میں شہریوں کو جو بھی مشکلات درپیش آئیں گی اس کو حل کرنے کیلئے متعلقہ محکمے کے حکام کے ساتھ مسئلے کو اٹھا کر شہریوں کو ریلیف فراہم کرے گی ۔