گھروں سے چوری میں ملوث ملزمان کو گرفتارکرلیاگیا

پشاور کیپٹل سٹی پولیس پشاور نے شہر کے مضافاتی علاقوں میں رات کی تاریکی کا فائدہ اٹھاتے ہوئے گھروں سے قیمتی اشیائ، موبائل فونز اور نقد رقوم چوری کرنے والے دو رکنی کا سراغ لگا لیا، گزشتہ روز ہونے والی کارروائی کے دوران دو افغان ملزمان کو گرفتار کرلیا گیا ہے جنہوں نے ابتدائی تفتیش کے دوران اپنے جرم کا اعتراف کرتے ہوئے ان کے قبضے سے ایک عدد قیمتی موبائل فون اور ہزاروں روپے نقد رقم بھی برآمد کر لی گئی ہے تفصیلات کے مطابق مدعی زیشان ولد فیض اللّٰلہ سکنہ کوہاٹ روڈ نے تھانہ بھانہ ماڑی پولیس کو رپورٹ کی تھی کسی نامعلوم ملزمان نے اس کے گھر سے قیمتی موبائل فون اور نقد رقم چوری کر لی ہے جس کی رپورٹ پر مقدمہ درج کر کے تفتیش شروع کر دی گئی ڈی ایس پی اختراز خان کی سربراہی میں ایس ایچ او تھانہ بھانہ ماڑی سردار حسین نے تفتیش کے دوران متعدد جرائم پیشہ اور مشکوک افراد کو شامل تفتیش کیا جس کے دوران ملوث اصل ملزمان کا سراغ لگا کر شوکت ولد خواص اور جہانزیب عرف جازو ولد سلیم کو گرفتار کر لیا جنہوں نے ابتدائی تفتیش کے دوران اپنے جرم کا اعتراف کر لیا ہے جن کے قبضے سے مسروقہ موبائل فون اور ہزاروں روپے نقد رقم برآمد کر لی گئی ہے