پشاورکیپٹل سٹی پولیس پشاور نے تین مختلف کاروائیوں کے دوران موٹر سائیکل چوری میں ملوث گروہوں کا سراغ لگا کرچار ملزمان کو گرفتار کر لیا، گرفتار ملزمان کا تعلق پشاور کے نواحی علاقوں سے ہیں جنہوں نے ابتدائی تفتیش کے دوران متعدد وارداتوں میں ملوث ہونے کا اعتراف کر لیا، ملزمان کے قبضے سے 5 عدد موٹر سائیکل اوراسلحہ بھی برآمد کر لیا گیا ہے جن کے خلاف مقدمات درج کرکے تفتیش شروع کر دی گئی۔تفصیلات کے مطابق ڈی ایس پی سبرب احتراز خان کو اطلاع ملی تھی کہ تھانہ آغا میر جانی شاہ کی حدود میں ایک مشکوک شخص کسی سنگین واردات کی غرض سے موجود ہے جس پر ڈی ایس پی احتراز خان کی سربراہی میں ایس ایچ او عمران الدین خان نے پولیس کا خصوصی ٹیم کے ہمراہ فوری طور موقع پر پہنچ کر گلدرہ چوک میں موجود مسلح شخص آیاز ولد فیروز سکنہ مروزئی بہادر کلے کو نہایت حکمت عملی کیساتھ قابو کرکے گرفتار کر لیا جس کی تلاشی لینے پر اس کے قبضے سے پستول اور موٹر سائیکل برآمد کر لیا گیاجو کہ دوران تفتیش مذکورہ موٹر سائیکل مسروقہ معلوم ہوااسی طرح ایک اور کاروائی کے دوران ایس ایچ او تھانہ تہکال شہر یار احمد نے کاروائی کے دوران موٹر سائیکل لفٹر زاہد حسین عرف پتنگے ولد سفید گل سکنہ سفید ڈھیری کو گرفتار کرکے اس کے قبضے سے مدعی کامران سرور ولد غلام سرور سکنہ بہاری کالونی کا چوری شدہ موٹر سائیکل بھی برآمد کر لیا گیا ہے، جبکہ ایس ایچ او تھانہ پہاڑی پورہ اعجاز نبی نے کارروائی کے دوران دو رکنی موٹر سائیکل چور گروہ زاہد ولد محمد گل سکنہ غنی کالونی اور مراد ولد علی زر خان سکنہ یو سف آباد کو گرفتار کر کے ان کے قبضے سے مدعی رمضان ولد نثار خا ن سکنہ گل آباد کا چوری شدہ موٹر سائیکل سمیت 3 عدد مو ٹر سائیکلیں بھی برآمد لی گئی ہیں، ملزمان کا تعلق موٹر سائیکل چور اور راہزن گروہوں سے ہیںجن سے دوارن تفتیش اہم انکشافات کا توقع بھی کی جا سکتی ہیں۔