بارشوں نے ناقص میٹریل اور ناقص کام کا پول کھول دیا۔

مظفرگڑھ(بیوروچیف علی جان سے )ماہ مارچ کی بارشوں نے ناقص میٹریل اور ناقص کام کا پول کھول دیا۔ دو ماہ قبل وفاقی وزیر افتتاح کر کے لگائی جانے والی ٹف ٹائل ٹوٹ پھوٹ کا شکار۔ ٹھیکدار گورنمنٹ سے لاکھوں روپے لے کر رفو چکر، اعلی حکام سے نوٹس لینا کا مطالبہ۔ شاہد اقبال ورک کی پریس کانفرنس۔ تفصیل کے مطابق محلہ فیاض پورہ کے رہائشی شاہد اقبال ورک نے اپنے محلہ کی نمائندگی کرتے ہوئے پریس کانفرنس کرتے ہوئے کہا کہ آج سے دو ماہ قبل ووفاقی وزیر و ایم این اے میاں شبیر علی قریشی اور سابق چیئرمین رانا اورنگزیب اشرف نے ٹف ٹائل منصوبہ کا افتتاح کیا تھا۔ ماہ مارچ کی پہلی دو بارشوں نے دو ماہ قبل لگائی جانے والی ٹف ٹائل میں ناقص میٹریل اور ناقص کام کاپول کھول کر رکھ دیا۔ ٹف ٹائل تو جب بھی لگائی جاتی ہے اس کی مدت لائف ٹائم کے لئے ہوتی ہے۔ ٹھیکدار نے بس اپنی مرضی سے ناقص میٹریل کا استعمال کیا۔ اور اعلی حکام کے افسران کے ساتھ مل کر تمام تر نقشہ بھی پاس کروا کر اوپر رپورٹ پازٹیو بھیج دی۔ متعلقہ کسی بھی افسر نے چیک کرنا گورا بھی نہ کیا۔ میرے اعلی حکام سے مطالبہ ہے کہ ٹھیکداراور اس میں ملوث متعلقہ افسران کے خلاف نوٹس لے کر انکوائری کرائی جائے۔ اورناقص ٹف ٹائل اور ناقص کام کی انکوائری کروا کر محلہ فیاض پورہ کی لگائی گئی ٹف ٹائل کو درست کیا جائے۔