نامور اداکارہ ریشم کا شادی کا کرنے کا اعلان

ایوارڈ یافتہ معروف لولی وڈ اداکارہ ریشم یوں تو آج کل فلمی اسکرین سے غائب ہیں، تاہم وہ اس باوجود فیشن و شوبز انڈسٹری کے دیگر پروگرامات میں نظر آتی ہیں۔ماضی میں پاکستانی شوبز انڈسٹری کی متاثر کن، نامور اور زیادہ کمائی کرنے والی اداکاراو¿ں میں شمار ہونے والی ریشم کے حوالے سے تازہ خبر یہ ہے کہ انہوں نے ایک بار پھر شادی کرنے کا فیصلہ کرلیا ہے۔

یہ پہلا موقع نہیں ہے کہ اداکارہ نے شادی کرنے کے لیے رضامندی ظاہر کی ہو، اس سے قبل بھی انہوں نے سال 2019 کے آغاز میں ہی کہا تھا کہ وہ رواں سال کے اختتام تک شادی کرلیں گی۔

اداکارہ نے اس بات کی بھی تصدیق کی تھی کہ وہ کسی شوبز شخصیت سے نہیں بلکہ کاروباری شخص سے شادی کریں گی، تاہم انہوں اپنے ہونے والے جیون ساتھی سے متعلق مزید کوئی تفصیلات نہیں بتائی تھیں۔اس سے قبل اداکارہ ریشم کے پاکستانی نڑاد فرانسیسی فیشن ڈیزائنر کے ساتھ تعلقات کی خبریں گردش کرتی رہیں مگر اس حوالے سے کوئی تصدیق نہیں ہو سکی تھی۔

سال 2019 کے اختتام تک شادی نہ کرنے کے حوالے سے جب اداکارہ سے ایک ویب سائٹ نے پوچھا تو انہوں نے اس بات کی تصدیق کی کہ وہ آئندہ سال تک شادی کرلیں گی۔’پرو پاکستانی‘ نے اپنی رپورٹ میں بتایا کہ اداکارہ ریشم اس سال 51 برس کی ہوگئیں، تاہم کچھ مسائل اور مشکلات کی وجہ سے ان کی شادی نہیں ہو پائی لیکن اب انہوں نے اس حوالے سے حتمی فیصلہ کرلیا۔

ریشم نے اس بات کی تصدیق کی کہ وہ سال 2020 میں ہی شادی کرلیں گی، تاہم انہوں نے اپنے ہونے والے جیون ساتھی سے متعلق کوئی وضاحت نہیں کی۔سمجھتی ہیں کہ ان کی شادی کا درست وقت ہو چکا ہے اور انہیں زندگی کو پرجوش اور پرسکون بنانے کے لیے اب شادی کرنی چاہیے۔

خیال رہے کہ ریشم نے 1995 میں فلمی کیریئر کا آغاز فلم ’جیوا‘ سے کیا تھا اور ان کی پہلی ہی فلم نے اچھی کامیابی حاصل کی تھی۔ریشم کی دیگر مشہور فلموں میں ’چور مچائے شور، گھونگھٹ، سنگم، دوپٹا جل رہا ہے، انتہا، پل دو پل، طوفان، پہلا پہلا پیار اور تڑپ‘ شامل ہیں۔ریشم نے فلموں کے علاوہ ٹی وی ڈراموں اور سیریلز میں بھی اداکاری کے جوہر دکھائے، ساتھ ہی وہ ماڈلنگ بھی کرتی دکھائی دیں۔ شاندار پرفارمنس پر انہوں نے متعدد ایوارڈز بھی جیت رکھے ہیں۔