سٹی ٹریفک پولیس تجاوزات مافیا کے خلاف آپریشن کرتے ہوئے 25 افراد گرفتار ایس ایس پی ٹریفک وسیم احمد خلیل

پشاور قائم مقام ایس ایس پی ٹریفک وسیم احمد خلیل کی خصوصی ہدایت پر سٹی ٹریفک پولیس نے پشاور کے معروف تجارتی مرکز صدر اور کبابیان ورسک روڈ پر تجاوزات مافیا کیخلاف آپریشن کرتے ہوئے 25 افراد کوگرفتار کرلیا جبکہ 8 ہتھ ریڑھیاں بھی قبضے میں لے لی گئیں ۔ تفصیلات کے مطابق قائم مقام ایس ایس پی ٹریفک وسیم احمد خلیل کی خصوصی ہدایت پر سٹی ٹریفک پولیس کی جانب سے ناجائز تجاوزات, نو پارکنگ ایریا اور ٹریفک قوانین کی خلاف ورزی کرنے والے افراد کے خلاف خصوصی کریک ڈاؤن جاری ہے جس کے تحت مصروف تجارتی مرکز صدر اور کباپیان ورسک روڈ میں خصوصی کارروائیاں کی گئیں ڈی ایس پی ٹریفک کینٹ عبدالرشید کی سربراہی میں ہونے والی کارروائی کے دوران خلاف ورزی پر 25 افراد کو گرفتار کیا گیا۔ گرفتار افراد میں تجاوزات قائم کرنے‘ روڈ بلاک کرنے اور دیگر نوعیت کی خلاف ورزی کرنے والے شامل ہیں۔گرفتار افراد کے خلاف قانون کے مطابق کارروائی عمل میں لائی جائیگی۔ ترجمان سٹی ٹریفک پولیس شہاب عمرزئے