منشیات فروشوں اور سماج دشمن عناصر کے خلاف کریک ڈاؤن کے دوران متعدد افراد کو گرفتار

پشاورکیپٹل سٹی پولیس پشاور نے منشیات کے خلاف جاری کریک ڈاؤن کے دوران متعدد افراد کو گرفتار کر لیا ہے، تھانہ آغا میر جانی شاہ کی حدود میں ہونے والی کارروائی کے دوران منشیات فروش سمیت مختلف جرائم میں ملوث افراد کو گرفتار کیا گیا ہے جن کے قبضے سے مجموعی طور 3 کلو گرام سے زائد چرس، ایک کلو گرام سے زائد آئس، دو بوتل شراب، ایک عدد رائفل، 4 عدد پستول اور سینکڑوں عدد مختلف بور کے کارتوس برآمد کرنے کے ساتھ ساتھ منشیات فروشی میں استعمال ہونے والی موٹر سائیکل بھی برآمد کر لی گئی ہے، تمام ملزمان کے خلاف مقدمات درج کرکے تفتیش شروع کر دی گئی ہے۔تفصیلات کے مطابق سی سی پی او محمد علی گنڈا پور کی خصوصی ہدایت پر پشاور پولیس نے منشیات فروشوں کے خلاف جاری کریک ڈاؤن کے دوران متعدد افراد کو گرفتار کیا ہے، گزشتہ روز تھانہ آغا میر جانی شاہ کی حدود میں ہونے والی کارروائی کے دوران منشیات فروش، جرائم پیشہ اور متعدد مشتبہ افراد کو حراست میں لیا گیا ہے جن کے قبضے سے مجموعی طور 3 کلو گرام سے زائد چرس، ایک کلو گرام سے زائد آئس، دو بوتل شراب، ایک عدد رائفل، 4 عدد پستول اور سینکڑوں عدد مختلف بور کے کارتوس برآمد کر لئے گئے، تمام ملزمان کے خلاف مقدمات درج کرکے تفتیش شروع کر دی گئی ہے