صفحۂ اول    ہمارے بارے میں    رپورٹر اکاونٹ    ہمارا رابطہ
جمعہ 29 مارچ 2024 

لندن برج حملہ آور کی شناخت عثمان خان کےنام سےہوگئی

اکثریت ڈیسک | ہفتہ 30 نومبر 2019 

لندن برج پر چاقو سے حملہ کرکے لوگوں کو قتل اور زخمی کرنے والے شخص کی شناخت عثمان خان کے نام سے ہوئی۔

غیر ملکی خبر رساں ادارے کے مطابق 28 سالہ عثمان خان برطانوی شہری ہے۔ اس نے لندن کے پل پر لوگوں پر چاقو کے وار کرکے خاتون سمیت2افرادکوہلاک اور 3 کو زخمی کردیا جب کہ پولیس نے جوابی کارروائی کے دوران موقع واردات پر ہی عثمان خان کو گولی مار کر ہلاک کردیا۔

برطانوی پولیس کے مطابق عثمان خان انگلینڈ کی کاؤنٹی اسٹیفورڈ شائر کا رہائشی تھا۔ وہ ایک سزا یافتہ مجرم تھا اور کچھ عرصہ قبل ہی رہا ہوا تھا۔

برطانوی حکام کے مطابق القاعدہ سے تعلق رکھنے اور 2010 میں لندن اسٹاک ایکسچینج بم حملہ سازش کیس میں عثمان خان اپنے 3 ساتھیوں سمیت دہشت گردی کے جرم میں 2012میں جیل گیاتھا اور دسمبر2018میں رہا ہوا تھا۔

عثمان پر الزام لگایا گیا تھا کہ وہ کشمیر میں اپنی آبائی زمینوں پر عسکری ٹریننگ کیمپ بنانا چاہتا تھا اور مسلح تربیت کے لیے اس نے خیبرپختون خوا میں قبائلی علاقوں کا دورہ بھی کیا تھا۔ اس وقت عثمان کی عمر 19سال تھی۔

 

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
 
© 2020 All Rights of Publications are Reserved by Aksriyat.
Developed by: myk Production
تمام مواد کے جملہ حقوق محفوظ ہیں © 2020 اکثریت۔