شکایات سیل ویمن ونگ کی چیئرپرسن مہناز سعید

 وزیراعلی پنجاب شکایات سیل ویمن ونگ کی چیئرپرسن مہناز سعید نے صدر مجلس شہریاں ضلع مظفرگڑھ رانا امجد علی امجد ایڈووکیٹ کی قیادت میں ملنے والے ایک وفد سے بات چیت کرتے ہوئے کہا ہے کہ ”نیا پاکستان منزلیں آسان“ تحریک انصاف کا فلیگ شپ پروگرام ہے. جس کے پہلے مرحلے میں پنجاب کے دیہی علاقوں میں 1236 کلومیٹر طویل سڑکوں کی تعمیر و مرمت کی جا رہی ہے جو کہ رواں برس دسمبر تک مکمل کرلی جائیں گی. جس پر 15 ارب روپے خرچ ہوں گے. دوسرے مرحلے کا آغاز جنوری 2020 میں ہو گا. پنجاب کی تمام دیہی سڑکوں کو مرحلہ وار پروگرام کے تحت کارپٹڈ کی جائیں گی۔یہ پروگرام 5 سال تک جاری رہے گا .ہر سال اس پروگرام کے دو فیز مکمل کئے جائیں گے. دیہی سڑکوں کی تعمیر سے نہ صرف عوام کو آمد و رفت کی سہولت ہوگی بلکہ تجارتی سرگرمیوں کو بھی فروغ ملے گا اور زرعی معیشت پرمثبت اثرات مرتب ہوں گے۔ انہوں نے کہا کہ وزیراعلیٰ پنجاب سردار عثمان بزدار کی قیادت میں پنجاب میں ترقی کا سفر جاری ہے جو اپوزیشن کو برداشت نہیں ہو رہا.