نان کسٹم پیڈ اشیاء سمگل کرنے کی کوشش ناکام

شاور کیپٹل سٹی پولیس پشاور نے نان کسٹم پیڈ اشیاء کے سمگلنگ کی اطلاع پر کارروائی کرتے ہوئے بھاری مقدار میں غیر ملکی چائے برآمد کر لی، برآمد ہونے والے چائے کی مالیت لاکھوں روپے بتائی جا رہی ہے جس کو قانونی چارہ جوئی اور کسٹم ڈیوٹی ادائیگی کی غرض سے کسٹم حکام کے حوالے کر دیا گیا ہے

تفصیلات کے مطابق گزشتہ روزحیات آبادپولیس کو اطلاع ملی تھی کہ کچھ افراد غیر قانونی طریقے سے درآمد شدہ نان کسٹم پیڈ اشیاء سمگل کرنے کی کوشش کریں گے جس پر اے ایس پی حیات آباد حیدر علی کی نگرانی میں ایس ایچ او تھانہ حیات آباد احسان اللّٰلہ نے فوری کارروائی کرتے ہوئے تحصیل جمرود کی جانب سے شہر میں داخل ہونے والی گاڑیوں کی تلاشی لیتے ہوئے غیر ملکی چائے سمگل کرنے کی کوشش ناکام بناکر بھاری مقدار میں غیر قانونی طریقے سے درآمد شدہ چائے برآمد کر لی جس کی مالیت لاکھوں روپے بتائی جا رہی ہے جسے کسٹم ڈیوٹی (ٹیکس) کی ادائیگی اور مزید قانونی چارہ جوئی کی خاطر کسٹم آفیسر مبین خان کے حوالے کر کے کسٹم ہاوس منتقل کر دیا گیا ہے