ٹی ٹوئنٹی سیریز؛ فاف ڈوپلیسی اگلے دونوں میچز نہیں کھیلیں گے

پروٹیز کپتان فاف ڈوپلیسی پاکستان کے خلاف ٹی ٹوئنٹی سیریز کے اگلے دونوں میچز نہیں کھیلیں گے۔

پاکستان کے خلاف اگلے دو ٹی ٹوئنٹی میچز کے لیے جنوبی افریقی ٹیم کیلئے متبادل کپتان کا اعلان بعد میں کیا جائے گا، فاف ڈوپلیسی نے کیپ ٹاؤن میں کھیلے جانے والے پہلے ٹی ٹوئنٹی میچ میں 45 گیندوں پر 78 کی اننگز تراشی تھی، ان کی لیزا ہینڈرکس کیساتھ شراکت کی بدولت پروٹیز نے نیولینڈز کے اسٹیڈیم پر اپنا سب سے بڑا مجموعہ 192 حاصل کیا۔

فاف ڈوپلیسی کا کہنا ہے تینوں فارمیٹ کھیلنے والے پلیئرز کی کرکٹ بہت زیادہ ہوگئی، آرام کرکے سری لنکا کے خلاف ٹیسٹ سیریز سے قبل تازہ دم ہونے کا موقع ملے گا، اتوار کو پاکستان کے خلاف دوسرے ٹی ٹونٹی میچ کے لیے نئے متبادل کپتان کا فیصلہ کرنا باقی ہے لیکن مضبوط اسکواڈ میدان میں اتریں گے۔

یاد رہے کہ کے کوئنٹن ڈی کک ہیمسٹرنگ کی وجہ سے پہلے ہی سیریز سے باہر ہوچکے ہیں، ان کی حگہ جانیمن میلان کو اسکواڈ میں شامل کیا گیا ہے، دوسری جانب فٹنس مسائل سے دوچار محمد حفیظ بھی پاکستان کی جانب سے پہلا میچ نہیں کھیل پائے تھے، سیریز کا دوسرا مقابلہ جوہانسبرگ کے وانڈررز اسٹیڈیم میں اتوار کو ہوگا۔