معروف گلوکار عطاء اللّٰلہ خان عیسیٰ خیلوی علالت کے باعث اسپتال منتقل

لاہور: پاکستان کے معروف گلوکار عطاء اللّٰلہ خان عیسیٰ خیلوی کو علالت کے باعث اسپتال میں داخل کروا دیا گیا۔

ڈاکٹرز کے مطابق عطاء اللّٰلہ عیسیٰ خیلوی کو پتے میں درد کے باعث نجی اسپتال منتقل کیا گیا، جہاں کل ان کے پتے کا آپریشن کیا جائے گا۔ عطاء اللّٰلہ خان عيسیٰ خيلوی کا تعلق میانوالی سے ہے، جنہیں روایتی طور پر سرائیکی لوک گلوکار سمجھا جاتا ہے، لیکن انہوں نے پنجابی اور اردو میں بھی بہت سے میوزک البمز ریلیز کیے ہیں۔

ان کے مشہور گانوں میں 'قمیض تیری کالی'، 'چن کتہاں گزاری ای رات وے' اور دیگر شامل ہیں۔ 1994 میں عطاء اللّٰلہ عیسیٰ خیلوی کا نام دنیا بھر میں  ب سے زیادہ آڈیو گانے ریکارڈ کرانے پر گنیز بک آف ورلڈ ریکاڈ میں شامل کیا گیا تھا۔

انہیں 1991 میں حکومت پاکستان کی جانب سے پرائڈ آف پرفارمنس ایوارڈ بھی دیا جاچکا ہے۔