بلوچستان نیشنل پارٹی کے سربراہ سردار اختر مینگل نے مبینہ انتخابی بے ضابطگیوں کے لیے کمیشن کی حمایت کرتے ہوئے کہا ہے کہ تحقیقاتی کمیشن بے ضابطگیوں اور الیکشن کمیشن کی غیر ذمہ داری کی پوچھ گچھ کرے، یہ ملک کا واحد الیکشن تھا جہاں 72 گھنٹے تک نتائج روکے گئے جب کہ چند نشستوں کے اصولوں پر سودے بازی نہیں کی جاسکتی۔
سردار اختر مینگل کا کہنا تھا کہ ہم خیالوں اور انتخابات میں متحدہ رہنے والی جماعتوں کے ساتھ حکومت سازی کے لیے اتحاد ہوسکتا ہے جب کہ بلوچستان کے عوام کا مشکور ہوں کہ انہوں نے ہمیں مینڈیٹ دیا۔