پشاور ایس ایس پی آپریشن ظہور بابر آفریدی کی سربراہی میں خصوصی کرائم میٹنگ کا انعقاد کیاگیا ہے جس میں کینٹ اور صدر ڈویژن میں ہونے والے سنگین جرائم کا جائزہ لیا گیا، خصوصی کرائم میٹنگ میں ایس پی کینٹ تصور اقبال، ایس پی صدر ڈویژن عبدالسلام خالد، کینٹ اور صدر ڈویژن ایس ڈی پی اوز، ایس ایچ اوز اور انوسٹی گیشن افسران نے شرکت کی، ایس ایس پی آپریشن نے میٹنگ کے دوران جرائم کی تفتیش اور روک تھام سمیت اسٹریٹ کرائمز کے سدباب کو ممکن بنانے اور تفتیشی نظام کو مزید موثر بنانے کی خاطر خصوصی ہدایت جاری کیں، میٹنگ کے دوران جرائم بر خلاف مال کے مقدمات کی تفتیش کو جلد از جلد منطقی انجام تک پہنچانے اور تفتیش کے دوران سنگین مقدمات میں مدعیان کے ساتھ رابطہ میں رہنے کی بھی ہدایت کی گئی، جرائم کی روک تھام میں تفتیش نہایت اہمیت کا حامل ہے، تفتیشی نظام کو مزید موثر بنا کر جرائم پر قابو پانے میں مدد مل سکتی ہے، ناقص تفتیش سمیت غفلت اور لاپرواہی کا مظاہرہ کرنے والوں کیلئے زیرو ٹالرینس پالیسی اختیار کی گئی ہے جس پر سختی سے عملدرآمد کیا جا رہا ہے، ایس ایس پی آپریشن ظہور بابر آفریدی تفصیلات کے مطابق گزشتہ روزملک سعد شہید پولیس لائن پشاور میں خصوصی کرائم میٹنگ کا انعقاد کیا گیا جس میں ایس پی کینٹ تصور اقبال، ایس پی صدر ڈویژن عبدالسلام خالد، کینٹ اور صدر ڈویژنز ایس ڈی پی اوز، ایس ایچ اوز اور تفتیشی افسران نے شرکت کی، میٹنگ کے دوران ایس ایس پی آپریشن ظہور بابر آفریدی نے کینٹ اور صدر ڈویژنز میں سنگین جرائم کی تفتیش کا جائزہ لینے سمیت جرائم کی روک تھام اور تفتیش سمیت دیگر حل طلب امور کا جائزہ لیا، انہوں نے انوسٹی گیشن سٹاف کو جرائم بر خلاف مال کی تفتیش جلد از جلد پایہ تکمیل تک پہنچانے اور دوران تفتیش مدعیان کے ساتھ رابطے میں رہنے کی ہدایت کی، ایس ایس پی آپریشنز نے واضح کیا کہ ناقص تفتیش پر زیرو ٹالرینس پالیسی اختیار کی گئی ہے جس کے تحت ناقص تفتیش پر سخت کارروائی عمل میں لائے جائے گی میٹنگ کے دوران ایس ایس پی آپریشنز ظہور بابر آفریدی نے منشیات خصوصا آئس کے خلاف جاری مہم میں مزید تیزی لانے اور ملوث افراد کے خلاف بلا تفریق کارروائیاں کرنے کے ساتھ ساتھ منشیات کے خلاف آگاہی پھیلانے کی بھی ہدایت کی