ایس پی آپریشن ظہور بابر آفریدی کی چینی نمائندہ وفد سے ملاقات
ایس ایس پی آپریشنز ظہور بابر آفریدی سے بدھ کے روز چینی نمائندہ وفد نےان کے دفتر میں ملاقات کی جس کی قیادت چینی سفارتکار مسٹر چن وئی نے کی۔ معزز مہمان نے ایس ایس پی آپریشن ظہور بابر آفریدی کو 19 ستمبر کو چین کے قومی دن کے موقع پر پشاور میں منعقد ہونے والی تقریب میں شرکت کی دعوت دی۔ جس کو قبول کرتے ہوئے ایس ایس پی آپریشن ظہور بابر آفریدی نے کہا کہ چین پاکستان کا دیرینہ دوست برادر ملک ہے اور چین کے باشندوں کو مکمل سیکیورٹی فراہم کرنے کے ساتھ ساتھ ان کے قومی دن کہ موقع پر ان کی خوشی میں شرکت بھی کریں گے۔ اس موقع پر معزز مہمان مسٹر چن وی نے ایس ایس پی آپریشنز ظہور بابر آفریدی کو اعزازی سیونئر بھی پیش کیا۔