رمضان اور عید الفطر کا مسئلہ حل کرنے اور ملک بھر میں ایک ہی دن عید منانے کیلئے اسلامی نظریاتی کونسل نے پشاور کی غیر سرکاری رویت ہلال کمیٹی کے سربراہ مفتی پوپلزئی سے رابطہ کر لیا ہے
اور مسئلے کے حل کیلئے ملاقات کا وقت مانگ لیاہے۔صوبائی حکومت اس سے قبل مسئلے کو حل کرنے کیلئے مفتی پوپلزئی کومرکزی رویت ہلال کمیٹی کا سربراہ بنانے کا اعلان بھی کر چکی ہے مفتی پوپلزئی سے محکمہ موسمیات کے ماہرین سے ملاقات کرا کر چاند کی پیدائش اور رویت سے متعلق بریفنگ دی جائے گی۔اسلامی نظریاتی کونسل اس مرتبہ چاند پر متفقہ فیصلے کیلئے متحرک ہوگیا ہے اور مفتی شہاب الدین پوپلزئی سے رابطہ کرکے باقاعدہ ملاقات کا وقت مانگ لیا ہے۔اسلامی نظریاتی کونسل کے مطابق مفتی پوپلزئی کی ٹیم کی محکمہ موسمیات کے ماہرین ملاقات کرائی جائے گی جس میں چاند کی پیدائش اور رویت سے متعلق سائنسی بنیادوں پر بریفنگ دی جائے گی اور مفتی پوپلزئی کے تحفظات دور کیے جائیں گے۔کونسل کے چیئرمین قبلہ ایاز نے کہا ہے کہ کوشش کر رہے ہیں کہ کسی مثبت نتیجے پر پہنچ جائیں مگر مسئلہ حل ہونے میں وقت لگے گا۔