نوشہرہ کے علاقے مغلکی میں بچوں کا دروازے پر پتھر مارنے کے بعد مقامی زمیندار کی فائرنگ سے ایک نوجوان جاں بحق اور 6 زخمی ہوگئے۔
ڈسٹرکٹ ہیڈکواٹرز ہسپتال نوشہرہ کے زرائع کے مطابق اندھا دھن فائرنگ کے نتیجے میں تیس سالہ راہگیر نوجوان فازق ولد شمشیر موقعہ پر جاں بحق ہوا۔
ذرائع کے مطابق زخمیوں میں 12 سالہ نبیل 12، 13 سالہ زوہیب ، 20 سالہ شاہ رخ 20، 45 سالہ فضل محمد، 27 سالہ عبدالرزاق اور 25 سالہ نور احمد شامل ہیں جن کو تشویشناک حالت میں نوشہرہ سے پشاور منتقل کردیا گیا ہے۔
فائرنگ کے خلاف مغلکی گاوں کے لوگوں نے جاں بحق نوجوان کی نعیش کو پیرسباق جہانگیرہ روڈ پر رکھ کر کچھ دیر کے لئے احتجاج بھی کیا تاہم بعد میں جاں بحق اور زخمیوں کو ہسپتال منتقل کردیا۔
دوسری جانب نوشہرہ پولیس نے ملزم کی گرفتاری کے لیے گاوں کا محاصرہ کرکے سرچ آپریشن شروع کر دی ہے۔
پولیس کے مطابق فائرنگ کا واقعہ آج پیش آیا ہے۔