خیبرپختونخوا میں میں گڈ گورننس سٹریٹیجی اور خیبر پختونخوا انسپکشن سسٹم پرٹریننگ دینے کا آغاز

 چیف سیکرٹری خیبر پختونخوا کی ہدایات کی روشنی میں پرفارمنس مینجمنٹ اینڈ ریفارمز یونٹ کی ٹیموں نے تمام اضلاع میں گڈ گورننس سٹریٹیجی اور خیبر پختونخوا انسپکشن سسٹم پرٹریننگ دینے کا آغاز کردیا۔اس ضمن میں م پی ایم آر یو کی دو ٹیموں نے مردان ڈویژن اور پشاور ڈویژن کے تمام اضلاع کے ڈپٹی کمشنرز،اسسٹنٹ کمشنرز،ایڈیشنل اسسٹنٹ کمشنر ز سمیت متعلقہ اضلاع کے لائن ڈیپارٹمنٹس کے افسران اور فوکل پرسنز کو تربیت دی۔
ڈپٹی کوآرڈینیٹر پی ایم آر یو ڈاکٹر عاکف خان نے متعلقہ افسران و سرکاری اہلکاروں کو تربیت کے دوران بتایا کہ گڈ گورننس اسٹریٹیجی کے انعقاد کا مقصد حکومتی معاملات میں شفافیت اور احتساب کومتعارف کرنے اور عوام کی خدمات تک رسائی کو ان کی دہلیز تک پہنچانے کے ساتھ ساتھ عوام کی شرکت سے ترقیاتی معاملات کو آگے بڑھاناہے۔

انہوں نے مزید کہا کہ یہ سٹریٹیجی پانچ بنیادی ستونوں پر مبنی ہے جن میں شفاف طرز حکمرانی،عوامی خدمات تک رسائی،عوامی اشتراک،احتساب اور حکومتی معاملات میں جدید ٹیکنالوجی کے ذریعے کارکردگی کو بہتر بناناشامل ہے۔
مزید برآں شرکاء کو خیبر پختونخوا انسپکشن سسٹم پر بھی تربیت دی گئی۔اس موقع پر ڈاکٹر عاکف نے شرکاء کو انسپکشن سسٹم کے حوالے سے بتایا کہ تمام اضلاع میں جتنی بھی انسپکشن ہونگی ان کی رپورٹ خیبر پختونخوا انسپکشن سسٹم پر چیف سیکرٹری آفس ارسال کی جائیں گی۔انہوں نے کہا کہ تمام متعلقہ افسران انسپکشن رپورٹ اس سسٹم پر چیف سیکرٹری آفس ارسال کریں گے۔ٹریننگ کے آخر میں شرکاء نے سوالات کئے اپنی تجاویز پیش کیں جس پر ڈاکٹر عاکف نے ان کو یقین دلایا کہ ان کی تجاویزکو فوری چیف سیکرٹری آفس ارسال کیا جائے گا۔