صفحۂ اول    ہمارے بارے میں    رپورٹر اکاونٹ    ہمارا رابطہ
پیر 22 جولائی 2019 

انڈونیشیا کا اپنا دارالحکومت کسی اور جگہ منتقل کرنے کا فیصلہ

اکثریت ڈیسک | بدھ مئی 2019 

انڈونیشیا نے اپنا دارالحکومت جکارتہ سے کسی اور جگہ منتقل کرنے کا فیصلہ کیا ہے کیونکہ یہ شہر موسمیاتی تبدیلیوں کے نتیجے میں سمندر کی سطح بلند ہونے سے سب سے زیادہ خطرات کی زد والے شہروں میں سے ایک ہے۔

سی این این انڈونیشیا کی ایک رپورٹ کے مطابق انڈونیشین وزیر منصوبہ بندی بیم بینگ بروڈونیگورو نے پیر کو اس بات کا اعلان کیا کہ انڈونیشین صدر نے حکومتی کو شہر سے باہر منتقل کرنے کا فیصلہ کیا ہے اور ملک کے دارالحکومت کے لیے نئے مقام کا تعین کیا جائے گا اور اس عمل پر 33 ارب ڈالرز خرچ ہوں گے۔

انہوں نے بتایا کہ ابھی نئے مقام کا تعین نہیں کیا گیا مگر حکومت دارالحکومت کو جاوا کے قریب منتقل کرسکتی ہے جو کہ اس ملک کا سب سے زیادہ آبادی والا جزیرہ ہے۔

انہوں نے اسے انڈونیشیاءکے لیے انتہائی اہم فیصلہ قرار دیتے ہوئے کہا کہ حکومت مشرقی جاوا کے جزائر میں کسی جگہ پر غور کررہی ہے مگر اس حوالے سے مزید تفصیلات نہیں بتائیں۔

اس خطے میں سماٹرا نام کا جزیرہ موجود ہے جو کہ جکارتہ سے سومیل کے فاصلے پر واقع ہے۔

وزیر منصوبہ بندی نے مزید بتایا کہ دارالحکومت کی منتقلی کا عمل مکمل ہونے میں 10 سال کا عرصہ لگ سکتا ہے مگر حکومت اس حوالے سے مختلف خیالات پر غور کررہی ہے۔

انہوں نے کہا 'ہم ملک کی ترقی کے لیے ہٹ کر سوچنا چاہتے ہیں اور دارالحکومت کی منتقلی کے لیے تفصیلی کام کرنا ہوگا'۔

گزشتہ سال محققین نے بتایا تھا کہ 2050 تک شمالی جکارتہ کا 95 فیصد حصہ سمندر برد ہوجائے گا جبکہ نیویارک ٹائمز نے 2 سال قبل بتایا تھا کہ شہر کا 40 فیصد حصہ اس وقت سمندر کی سطح سے نیچے ہے۔

جکارتہ کی آبادی ایک کروڑ سے زائد ہے اور اتنی بڑی آبادی والے شہر کے مسائل بھی کافی پیچیدہ ہوتے ہیں۔

دارالحکومت کی تبدیلی کے منصوبے پر کافی برسوں سے بات ہورہی ہے مگر اب حکومت نے اس پر کام کرنے کی تصدیق کی ہے۔

انڈونیشین حکومت کے مطابق یہ خیال کافی عرصے پہلے سامنے آچکا تھا مگر اس پر کوئی فیصلہ یا تبادلہ خیال اس طرح مل جل کر نہیں کیا گیا تھا۔

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
 
© 2019 All Rights of Publications are Reserved by Aksriyat.
Developed by: SuperWebz.com
تمام مواد کے جملہ حقوق محفوظ ہیں © 2019 اکثریت۔