صفحۂ اول    ہمارے بارے میں    رپورٹر اکاونٹ    ہمارا رابطہ
منگل 23 اپریل 2019 

دنیا کی سب سے بہترین نوکری،2ماہ تک بستر پر لیٹے رہنے کے 25لاکھ روپے

اکثریت ڈیسک | منگل اپریل 2019 

 دنیا میں بہت سے لوگ ایسے ہیں جنہیں بستر پر لیٹے رہنا بہت پسند ہے اور وہ صبح بستر چھوڑنا پسند نہیں کرتے اور چاہتے ہیں کہ کاش ایسا کچھ ہو کہ انہیں بستر پر لیٹے ہوئے ہی پیسہ بھی مل جائے تو امریکی تحقیقاتی ادارے ناسا نے اعلان کیا ہے کہ انہیں 12مرد اور 12 خواتین کی ضرورت ہے جو 2ماہ تک مسلسل بستر پر لیٹ سکتے ہوں جس کے انہیں 18ہزار ڈالر فی کس کے حساب سے دیے جائیں گے جو کہ پاکستانی روپوں میں 25لاکھ روپے بنتے ہیں۔

ناسا کو خلا میں کششِ ثقل سے متعلق اپنے ایک تجربے کے لیے ان لوگوں کی ضرورت ہے۔ ناسا نے اعلان کیا ہے کہ انہیں 24سے55سال کی عمر کے12مرداور12خواتین درکار ہیں جو مسلسل 2ماہ تک مسلسل مصنوعی کششِ ثقل میں بستر پر لیٹے رہیں اور انہیں اس کے بدلے میں 25لاکھ روپے دیے جائیں گے۔اس تجربے سے سائنسدان یہ پتا لگانا چاہتے ہیں کہ مصنوعی کششِ ثقل کے انسانوں پر کیا کیا منفی اثرات مرتب ہو سکتے ہیں۔

یہ تحقیق جرمن ایرو سپیس سینٹر میں کی جائے گی جو کہ جرمنی کے شہر کلون میں واقعہ ہے۔ بستر پر لیٹے رہنے کے خواہش مند لوگ اور ایسے لوگ جو مسلسل 2ماہ تک بستر پر لیت سکتے ہیں وہ اس نوکری کے لیے درخواست دے سکتے ہیں اور ان کے طبعی اور جسمانی معائنے کے بعد لیبارٹی یہ فیصلہ کرے گی کہ کون کون سے لوگ اس نوکری کے اہل ہیں۔

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
 
© 2019 All Rights of Publications are Reserved by Aksriyat.
Developed by: SuperWebz.com
تمام مواد کے جملہ حقوق محفوظ ہیں © 2019 اکثریت۔