صفحۂ اول    ہمارے بارے میں    رپورٹر اکاونٹ    ہمارا رابطہ
اتوار 24 مارچ 2019 

جسمانی سستی کو خود سے دور رکھنا چاہتے ہیں؟

اکثریت ڈیسک | بدھ 13 مارچ 2019 

صبح اٹھتے ہی اکثر افراد کا دل نہیں کرتا کہ وہ بستر سے اٹھیں یا آسان الفاظ میں سستی طاری ہوتی ہے جو کافی دیر تک دور نہیں ہوتی۔

یہ قدرتی عمل ہوتا ہے مگر اکثر افراد کو دن بھر سستی کا احساس ہوتا ہے جو کہ مختلف طبی عارضوں کی علامت بھی ہوسکتی ہے، جیسے فلو، جسم میں پانی کی کمی، بخار، گردوں کے مسائل، ناقص غذا کا استعمال، خراٹے ، ڈپریشن یا ذہنی بے چین یوغیرہ۔

یہ چند مخصوص ادویات کے استعمال کا نتیجہ بھی ہوسکتا ہے جبکہ یہ قدرتی عمل بھی ہوسکتا ہے مگر اچھی بات یہ ہے کہ اس سستی کو دور بھگانا بھی بہت آسان ہے۔

پانی پینا

اپنے جسم میں پانی کی مقدار کو مناسب سطح پر رکھنا جسمانی سستی کی روک تھام کے لیے بہترین ثابت ہوتا ہے، پانی کی کمی سے جسم تھکاوٹ اور سستی کا شکار ہوتا ہے اور مناسب مقدار میں پانی پینا اس اثر کو دور رکھتا ہے۔

پودینے کا تیل

پودینے کے تیل کی مہک تھکاوٹ اور سستی کی دیگر علامات کو دور کرنے میں کردار ادا کرتی ہے، اس تیل کے 2 سے تیل قطرے پانی میں ملاکر اسے سونگھیں اور بس۔

کافی

کافی میں موجود جز کیفین ذہنی طور پر چوکنا بنانے کے ساتھ جسمانی توانائی بڑھاتا ہے، تو دن بھر میں ایک سے 2 کپ کافی پینا سستی دور بھگانے میں مددگار ثابت ہوتا ہے۔

شہد

شہد میں موجود کاربوہائیڈریٹس جسمانی توانائی بڑھانے میں مدد دیتے ہیں اور سستی سے لڑتے ہیں، ایک یا 2 چمچ خالص شہد کا استعمال کرنا جسمانی سستی کو دور رکھنے میں مدد دیتا ہے۔

لیموں

یہ ترش پھل جسم میں ہونے والے تکسیدی تناﺅ کے خلاف لڑتا ہے جبکہ وٹامن سی آئرن کے جذب ہونے کا عمل بہتر کرتا ہے جس سے تھکاوٹ اور سستی سے لڑنے میں مدد ملتی ہے۔ لیموں کو پانی میں ملا کر ہر صبح نہارمنہ پی لینا دن بھر سستی کو دور رکھ سکتا ہے۔

سبز چائے

سبز چائے اینٹی آکسائیڈنٹس سے بھرپور مشروب ہے جو مزاج پر خوشگوار اثرات مرتب کرنے کے ساتھ اس تناﺅ کو کم کرتا ہے جو جسمانی سستی کا باعث بنتا ہے، دن میں ایک سے 2 کپ اس چائے کا استعمال اس مسئلے کو دور رکھنے میں مدد دیتا ہے۔

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
 
© 2019 All Rights of Publications are Reserved by Aksriyat.
Developed by: SuperWebz.com
تمام مواد کے جملہ حقوق محفوظ ہیں © 2019 اکثریت۔