خیبرپختونخوا کے قبائلی عوام کےلئے بڑی خوشخبری کا اعلان

ضلع جنوبی وزیرستان سب ڈویژن وانا میں ایک ہفتے کے اندر 20 کلومیٹر کے علاقے میں موبائل نیٹ ورک مکمل طورپر بحال کیا جائیگا۔سائوتھ وزیرستان کے انچارج فیلڈ انجینئر فیدہ اللّٰلہ وزیر نے وانا پریس کلب میں مقامی میڈیاسے بات چیت کرتے ہوئے کیاکہ آج موبی لنک ٹیم ہیڈکوارٹر وانا پہنچنے والی ہے ۔

پہلے مرحلے میں ڑوب کے قریب کیچ مینہ،تنائی اور شکئی روڈ پرواقع سانگہ کے ٹاورز پرکام چالو کرکے 5دن کے اندر نیٹ ورک بحال ہوگا، دوسرے مرحلے میں کیڈٹ کالج وانا،شولام،دانہ اور اعظم ورسک ٹاورز کے نیٹ ورک بحال ہوگا۔

فیدہ اللّٰلہ نے مزید کہاکہ پورے ہیڈکوارٹر وانا یعنی تحصیل شکئی، برمل،توئی خلہ میں آئندہ 10 دنوں کے اندر سارے کے سارے ٹاورز بحال ہونگے۔انہوں نے کہاکہ نیٹ ورک میں 600 کے قریب موبائل کام کریگی۔اور نیٹ ورک 20 کلومیٹر کے فاصلے پر کام ریگی۔اخرمیں انھوں نے کہاکہ ایک دو مہینے کے بعد 3G اور4G بحال ہوجائینگے۔